Khamoshiyan...

Image Source: Google Images

Khamoshiyan,

Kuchh na keh ke bahot kuchh keh jati hai ye Khamoshiyan...

Hasaati hai ye Khamoshiyan,

Rulati hai ye Khamoshiyan...

Lagti hai achchhi,

To kabhi buri hai ye Khamoshiyan...

Nayi naveli dulhan ki saheli hoti hai

Ye sharmili Khamoshiyan...

Maan ko gussa dilanewali,

Wo shaitaniwali Khamoshiyan...

Soo jata tha jab jahan tab,

Bachpan me satanewali wo andheron ki Khamoshiyan...

Dhai akshar ko bina likhe samajnewali,

Aankhon se aankhon tak ki Khamoshiyan...

Suraj ki chaah me taakti rehti,

Surajmukhi ki wo tapti hui Khamoshiyan...

Jindagi ke chaurahe par khadi hui,

Khud ko hi dhundanewali Khamoshiyan...

Khamoshiyan,

Kuchh na keh ke bahot kuchh keh jati hai ye Khamoshiyan...

Image Source: Google Images

Kaise bataye ki kya hai ye jindagi...???

Kaise bataye ki kya hoti hai ye jindagi?

Barish ki pehli bund ka girna

aur tera yun muskurana , wo lamha ,wohi hai jindagi !

Shama aur Patange ki  takrar me 

Image Source: Google Images

Shama ka yun jalkar rona , wohi hai jindagi !

Sagar ko Chand pe roz marta hua dekh Chand se kuchh chahat si ho jana

par Chand  to Chandani ka hi hona, wohi hai jindagi !

Pagal Pawan ke bharose Kashti ko chhod dena

aur Khud ko bich samandar pana, wohi hai jindagi !

Raat k sannate me, Dard ki aahate sunate huye bhi,

Taaron ki dori se khushi ke sapne bunana, wohi hai jindagi !